١٥‏/٠٢‏/٢٠١١

كان ده ايه ده حقة حلم و لا علم؟


الشعب خلاص أسقط النظام

١٣‏/٠٦‏/٢٠١٠

ما هو المنطق ؟




Et finalement , un peu de paix !


معلش أصلى لما بأزهق العرق الفرنساوى بينقح عليا.

المهم, الكتاب ظريف للناس اللى بتحب الكلام عن الفلاسفة زى أرسطو و أريستوفان و ديوجين و كانط و شوبنهاور و ليبنتز و غيرهم قديم و جديد.حسيت إن الكتاب ملوش علاقة بالعنوان العربى بتاعه ( فكر بنفسك ...عشرون تطبيقا للفلسفة) أولا لأنى لقيت ان كل الفلاسفة سابقى الذكر مسابوش حاجة غير و فكروا فيها فمعادش فيه سنتوفة تفكير جديد. ثانيا أنا معدتش ورا المؤلف علشان اتاكد انهم عشرون تطبيق فقط مع انى حسيت انهم أكتر من كده. الحلو فى الكتاب الأمثلة اللى فيه و عرض لبعض المواقف الطريفة و تطبيق مبادئ الفلسفة عليها, زى مثلا الموسيقى فرانك زابا اللى كان فى حوار تليفزيونى مع مذيع شاطر و سمج ليه ساق خشبية , فالمذيع بيقول لزابا أنا عندى انطباع ان شعرك الطويل ده مخليك بنت رد عليه زابا و قاله و أنا عندى انطباع ان رجلك الخشب دى مخلياك الترابيزة . يعنى رد عليه بنفس التركيبة اللغوية لعبارة المذيع الأصلية و يعتبر ده نوع من الإقلاب يعنى تغيير كلمة أو اتنين فى نفس الجملة ممكن يقلب المعنى تماما و ده اللى خلى الرد عبقرى . ده غير ان الكتاب مليان بشوية حاجات كده معرفش فيها كتير خاصة بالفلسفة و المنطق و الاحتمالات اللى بيدرسوها الطلبة فى ثانوى و دائرة أ متقاطعة مع دائرة ب تدى الاحتمال الفلانى ... الخ . بيفكرنى ده بمسرحية مدرسة المشاغبين طبعا و سؤال ما هو المنطق.

الكتاب فيه بورتريهات كاريكاتورية لفلاسفة كتير للرسامة ناديا بودا و ده خللى للكتاب طابع لايت و ظريف.

اللى خلانى أزهق من الكتاب إنى قريته على فترة طويلة جدا و ده خلى الكتاب يفقد ترابطه و خلانى مش فاكرة إيه اللى قريته منه قبل كده . أتمنى إنى أبقى أقراه تانى على رواقة.

٠٦‏/٠٢‏/٢٠١٠

حصاد معرض الكتاب 2010



و زى كل سنة و فى نفس الميعاد , رحت معرض الكتاب.
الغريب إن يوم ربنا ما يكون موفقنا فى اليوم من أوله و نطلع من المنصورة بدرى و نوصل القاهرة بدرى نفاجأ بالمشرف فى الأتوبيس بيقول إن الدخول يوم الجمعة الساعة اتنين ظهرا. يا صلاة النبى ! و لما هو كده ما قلتوش ليه من الأول : يا إما كنتوا غيرتوا يوم الجمعة ده بيوم تانى لبمعرض فيه بيفتح من عشرة زى المعتاد أو كنا طلعنا من المنصورة متأخر عن كده.
الحل الفريد كان يتلخص فى : ثلاث ساعات فى كارفور ! أمال يعنى هيودونا فين لمدة 3 ساعات قبل ما المعرض يفتح ؟ فيه ناس ظريفة فى الأتوبيس زأططت لما عرفت موضوع كارفور ده و هييييييه و فسحة و بتاع , بس ده كان معناه لف و تعب 3 ساعات قبل المعرض اللى أساسا الواحد بيكون مات و اتحنط . المهم نزلنا فى كارفور العبور و على الرغم من إن كان فيه حاجات عجبتنى لكن ده كان معناه إن ميزانية الكتب هتبوظ , و حتى لو قعدنا فى كوستا كافيه أو ما شابه فده معناه قهوة , و حيثما ذكرت القهوة ذكر الحمام, و ده مش مستحب فى يوم ملحمى زى ده .
الثلاث ساعات عدوا بالسلامة , و ركبنا الأتوبيس لنفاجأ بنفس المشرف بنفس الغتاتة يعلن إن التجمع بعد المعرض هيكون الساعة 8 . طيب ما المعرض بيقفل الساعة 9 و احنا أساسا رايحين متأخر عن كل سنة , و زى كل سنة دايما كنا بنمشى مع نهاية المعرض . يقوم واحد دكتور كبير و وجيه كده يحتكم ( يعنى بيقول حكم ) و يقول : هو انتو عايزين تلفوا فى المعرض كده و خلاص ؟ مش لازم تكونوا محددين انتوا رايحين فين؟ الواحد بيكون رايح و هو عارف هو ناوى على إيه و هيشتريه منين و بكده الموضوع مش هياخد ساعتين زمن . يعنى هى يا عم مرة فى السنة و كمان بتقوللى ساعتين؟ ربنا يقويك يا حاج.
على ما وصلنا و دخلنا كانت الساعة 3 العصر , و بدأنا الجولة :
مش هى دى كل الأماكن اللى رحتها , فيه سور الأزبكية و دور نشر تانية مشترتش منهم حاجة , بس دول اللى ليهم ماركة مسجلة لوحدهم. طبعا كان فيه أماكن كتير الواحد نفسه حتى يشوفها من بعيد , بس النصيب...
دار ليلى : من أسوأ الأماكن اللى فى المعرض كل سنة . أولا لأن مفيش تخفيض و لا بتاع. ثانيا شوية عيال مش عارفة سعر أى حاجة واقفين و خلاص. ثالثا الزحمة المريعة اللى بتبقى موجودة و لا كأنك فى باكو عجوة متين. تلاقى كلهم شباب و بنات و كل واحد ناوى إنه يقرا الكتاب و هو واقف فى مكانه و لا إيه ما تعرفش. عند دار ليلى بعد ما كافحت و أخدت الكتب اللى عاوزاها أفاجأ بأن الأخوة اللى بيحاسبونى مش عارفين أسعار أغلب الكتب و فى الآخر ما عرفوش يحاسبونى غير على كام كتاب بس. يعنى كتاب ESPبتاع د.أحمد خالد توفيق كان خلصان أساسا و ماحدش فيهم اتنحرر و حاول يطلعه من وسط الكراتين الكتير اللى كانت موجودة على الأرض. كتاب ميشيل حنا الجديد برضه محدش عرف سعره و بالتالى مخدتوش. ده اللى أنا فاكراه من رزمة الكتب اللى كنت ناوية آخدها.
دار ميريت : نفس الزحام و نفس الكلام. سألت كذا واحد على سعر نفس الكتاب ( ملحمة السراسوة : الخروج) ألاقى كل واحد بيقول سعر, فى الآخر واحد عمو كان قاعد على مكتب و شكله مسئول عن الدار قعد يوجه الكلام للشباب اللى معاه إنهم يفوقوا و يوحدوا كلامهم قدام (الزباين).
دار الهلال : أحلى حتة بحب أروحها .أولا لأنى بحدف الأكياس اللى معايا على الأمانات و بدخل فرى من غير حاجة فى إيدى. و بعدين عمو اللى هناك بيشفق عليا لما يلاقينى لميت جبل محترم و مش عارفة أتحرك بيه فبييجى و يشيل عنى . ده غير إنى ممكن ألاقى حاجات مكنتش ناوية عليها أصلا بس باتبسط لما بلاقيها.
المؤسسة العربية الحديثة : اللى هى روايات مصرية للجيب . أنا بأشبهها بالمتاهة اللى بيحطوا فيها فيران التجارب فى المعمل و الفار يقعد يمشى و يلف علشان يوصل لآخرها و مبيعرفش. ممرات حلزونية مهلبية و برضه نفس الناس اللى واقفة تقرا فى مكانها يا جدع.
دار الشروق : طبعا رغم أسعارها بس هى أحلى مكان بحب أروحه . السنة اللى فاتت جبت ثلاثية الأمالى لخيرى شلبى 3 أجزاء من الشروق بالشيئ الفلانى, و بعدها رحت على الهلال لقيت الثلاثية موجودة بطبعة الهلال و بأرخص الأتمان. نفس الكلام ينطبق على بهاء طاهر و إبراهيم عبد المجيد مثلا. علشان كده دار الشروق يفضل تكون آخر مكان تدخله .
حد يقدر يقوللى إيه الفرق ما بين إنك تقرا عزازيل بالغلاف المقوى ( hard cover) و الغلاف الورقى ( soft cover)؟ لو مكنتش عارف احب أقولك إن الفرق 15 جنيه! الموضوع مش مستاهل الفرق ده و الغلاف الورقى مش عبارة عن ورق مناديل برضه يعنى الكتاب هيفضل معاك محافظ على نفسه , و لا إنت ناوى تلعب بيه كورة؟

و القائمة هى :


دار الشروق :
تراب الماس --- أحمد مراد ( و يجب أن أبدى إعجابى بالغلاف الذى صممه المؤلف بنفسه)
ألم خفيف كريشة طائر .... الخ --- علاء خالد
ضحك مجروح --- بلال فضل
عصير الكتب --- علاء الديب
دار ميريت :
ملحمة السراسوة ( التكوين) --- أحمد صبرى أبو الفتوح --- ميريت
ملحمة السراسوة ( الخروج) --- أحمد صبرى أبو الفتوح
العظام المقدسة --- مايكل بايرنز
زهرة البستان --- خالد إسماعيل --- ميريت
عشاء برفقة عائشة --- محمد المنسى قنديل


دنيا الله --- نجيب محفوظ --- مكتبة مصر

دار المعارف :
رحلات و حكايات --- فايز فرح
فى البداية بكيت , ثم انتصرت على السرطان --- بيتى رولين
البيئة و صيدلية الطبيعة --- سوزان سعيد المهدى
المثقف و الآخر --- ميلاد حنا
رحلة إلى العالم الآخر --- بياتريس فان إيرسل
الجديد فى طب الأسنان --- وهيب موسى
دار الهلال :
حرب قذرة ( قصة إبادة السكان الأصليين لجزيرة تسمانيا) --- كليف تورنبل
الحصن --- إسماعيل قدرى
منعطف النهر --- ف. س. نايبول
الشمعة و الدهاليز --- الطاهر وطار
حديث عيسى بن هشام --- محمد المويلحى
عجائب المخلوقات --- عبد المحسن صالح
ساعة عدل واحدة --- د.سيسيل ألبورت
خريف الجنرال --- حمدى البطران
مذكرات طالب بعثة --- لويس عوض
يوميات طبيب و هموم أستاذ جامعى --- نبيل عطا الله
الرواية --- نوال السعداوى
ليلة سفر --- محمد ناجى
الطوف الحجرى --- خوسيه ساراماجو
خيال الظل --- جورج سيمنون
المهاجرون --- صالح مرسى
عطر البرتقال الأخضر --- شريف حتاتة
مذكرات محكوم عليه بالإعدام --- فيكتور هوجو
سواقى الوقت --- سلوى بكر
سهرزاد على بحيرة جنيف --- جميل عطية إبراهيم
ليل و نهار --- سلوى بكر
القمر يولد على الأرض --- مجيد طوبيا
الوقائع الغريبة فى اختفاء أبى النحس المتشائل --- إميل حبيبى
خديجة و سوسن --- رضوى عاشور
اغتيال --- إميلى نوتومب
الغبى --- فتحى غانم
تاييس – أناتول فرانس
جيوب مثقلة بالحجارة --- فرجينيا وولف
السائرون نياما --- سعد مكاوى
القراءة للجميع :
فلسفة العلم --- صلاح قنصوة
الجينوم البشرى القضايا العلمية و الإجتماعية --- ترجمة أحمد مستجير
بحثا عن عالم أفضل --- كارل بوبر و ترجمة أحمد مستجير
السينما و السياسة --- على أبو شادى
عن الذباب و الفئران و البشر --- فرنسواز جاكوب
أقدم لك جويس --- ديفيد نوريس و كارل فلنت
شهر العسل و قصص أخرى --- قصص قصيرة من الأدب الأسبانى
المرأة فى الإسلام --- محمد الغزالى , محمد السيد طنطاوى و أحمد عمر هاشم
الرجل المناسب --- فتحى غانم
فلاسفة و فنانون --- رجاء النقاش
عمارة الفقراء --- حسن فتحى
أدباء من الشاطئ الآخر --- يوسف الشارونى
ذكاء المشاعر --- دانيال جولمان
فى الظل و الشمس --- محمود الوردانى
مجرى العيون --- سعيد الكفرواى
وفاء إدريس و قصص أخرى فلسطينية --- محمد سلماوى
الأمير الثائر --- د.سلطان بن محمد القاسمى
اللولب المزدوج --- جيمس واطسون
دار ليلى :
رصف مصر --- عمر طاهر
دمار يا مصر --- محمد فتحى
فقاقيع --- أحمد خالد توفيق
لماذا كرهت أبى --- شريف كمال عبد الصمد
دار نهضة مصر :
اليهودية و اليهود --- على عبد الواحد وافى
العصار --- جيرى سبينيللى
الواهب --- لويس لاورى
عجائز قاعدون على الدكك --- الطاهر شرقاوى
حكاية رجل عجوز ...الخ --- طارق إمام


بلزاك و الحائكة الصينية الصغيرة --- داى سيجى --- الدار

أخبار اليوم :
معجزات الرسول --- الشيخ الشعرواى
محمد رسول الله --- الشيخ الشعرواى
المرأة فى القرآن --- الشيخ الشعرواى
ما ليس يضمنه أحد --- خيرى شلبى ( مع أننى أقسمت ألا أشترى أى شيئ لخيرى شلبى )
رومانتيكيات --- صافيناز كاظم
أراه --- الطاهر وطار
رحلات ابن عطوطة --- محمود السعدنى

١٥‏/٠١‏/٢٠١٠

روشتة كتب من السيد الدكتور بلال فضل


هذا الفيديو جزء من لقاء الكاتب بلال فضل مع منى الشاذلى فى برنامج العاشرة مساء و فيه يتحدث بلال فضل عن روشتة كتب بسيطة رخيصة و متوفرة فى كل مكان لمن ينوى أن يبدأ فى قراءة الكتب و أن يستفيد و يغير من طريقة تفكيره و حياته.

و الكتب هى :

1- مصر من تانى لمحمود السعدنى.

2- متمردون لوجه الله أو أفكار ضد الرصاص لمحمود عوض.

3- حكايات من دفتر الوطن لصلاح عيسى.

و بكل تأكيد أنا فى انتظار عرض برنامجه الجديد ( عصير الكتب) على قناة دريم و فى انتظار تى شيرتاته صيفا و سويتراته شتاء.

أما عن قائمته لأفضل 150 كتاب التى وضعها فى أوائل 2009 فهى على هذا الرابط .

٠٧‏/٠٩‏/٢٠٠٩

Boy A



فيلم Boy A بمعنى (الفتى غير المعرف) أو مثلما نقول (فلان من الناس) هو فيلم بريطانى انتج عام 2007.


الفيلم يحكى عن جاك الذى خرج من السجن-دخل السجن و هو طفل لسبب سنعرفه لاحقا- و بدأ حياة جديدة فى مدينة جديدة و تحت اسم جديد بمعاونة أحد العاملين ببرامج إعادة التأهيل .


يحصل جاك إذن على هوية جديدة و عمل فى أحد شركات الشحن و سكن صغير بل و يحصل على صديقة يحبها و تحبه.


فى أحد الأيام يتصادف أن يتدخل جاك فى إنقاذ طفلة صغيرة كانت محجوزة فى سيارة محطمة إثر حادث , و يتم إعلان جاك كبطل و تنشر صوره فى الجرائد المحلية.


طوال أحداث الفيلم نرى لمحات من حياة جاك كطفل عمره 10 سنوات, منطو لا يحقق الكثير فى المدرسة, ثم يتعرف على فتى شرس فى مثل عمره هو مشروع لبلطجى يتصادق مع جاك و يتسكع معه كثيرا خارج المدرسة.


نعلم قرب نهاية الفيلم حقيقة ما حدث فى طفولة جاك و هو اعتداؤه هو و صديقه فيليب الشرس على فتاة صغيرة معهم فى المدرسة و قتلها بوحشية ( فى الفيلم لم يكن واضحا دور جاك فى الجريمة لكن صديقه فيليب كان هو الفاعل الأساسى). تتم محاكمة الاثنين و يتم ادخالهم فى برنامج لاعادة التأهيل ثم اخراجهما بعد أن انتهيا من البرنامج فى سن الرشد مع تغيير هويتهما حرصا على سلامتهم من المجتمع الذى رأى فيهم وحشين صغيرى الحجم لا أكثر. يقتل الفتى الآخر على يد جماعة ممن يروا أنه ليس من السليم اطلاق سراح هذين القاتلين.


تتم الوشاية بماضى جاك و يتعقبه رجال الصحافة و يتم فصله من العمل و تهجره حبيبته و بعد رحلة هروب قصيرة يقرر فى النهاية أن ينهى حياته.


طوال أحداث الفيلم تتعاطف مع جاك الذى لم يكن واضحا لنا ما اقترفه و استحق عليه السجن, أما بعد معرفتنا بالحادث نتساءل: هل اعادة التأهيل عملية سليمة و آمنة؟ هل الذى يعاد تأهيله يستطيع المشاركة بنجاح فى المجتمع مرة أخرى و الاندماج به؟ كيف نحاسب الأطفال على ارتكاب مثل تلك الجرائم البشعة؟


على الرغم من أن قصة الفيلم خيالية , إلا أنها تشبه حادثة حقيقية وقعت فى بريطانيا عام 1993 و فيها قتِل طفل فى الثالثة على يد صبيين فى العاشرة من العمر.
و هذا كليب من الفيلم أطلق عليه (رقصة الضياع) لأن البطل كان (عامل دماغ) حيث أعطاه زملاؤه بعض المخدرات بدون علمه.


٠٥‏/٠٩‏/٢٠٠٩

Howl's Moving Castle

صوفى و هاول
القلعة المتحركة

كالسيفر
فيلم Howl's Moving Castle أو Hauru No Ugoku Shiro و هو فيلم أنيمى شهير انتج عام 2004 من اخراج المخرج اليابانى هاياو ميازاكى صاحب التحفة Spirited Away أو Sin To Shihiro No Kamikakushi .

الفيلم بطلته هى صوفى, فتاة تعمل فى محل للقبعات, تقع عليها لعنة من ساحرة الأراضى الموحلة لتحيلها إلى امرأة عجوز. تسعى صوفى لابطال تلك اللعنة فتبدأ فى مغامرة رائعة لتلتقى بقلعة هاول المتحركة و هى كيان ضخم يمشى على قدمين يعيش به هاول الساحر الشاب و معاونه الصغير ميكال و شعلة النار كالسيفر التى تعمل على تحريك القلعة و تسخين الماء و الأكل.

تعيش معهم صوفى على أنها عاملة النظافة العجوز فى حين تشتد الحرب الدائرة فى تلك المملكة الخيالية و حيث يتحول هاول كل ليلة إلى وحش خرافى طائر ليقاتل فى الحرب.

الفيلم رومانسى و مغامرات و كوميدى أحيانا هذا إلى جانب كونه تحفة بصرية مما اشتهر به ميازاكى فى أفلامه.
ترشح الفيلم للأوسكار و يعد من أكثر الأفلام اليابانية تحقيقا للإيرادات.


٢٥‏/٠٨‏/٢٠٠٩

نصف كيلو زغازيغ


من متجر علاج الإكتئاب, أردنا أن نأتيك بدعابات ظريفة,
أو نكات مضحكة, أو طرائف مسلية,أو م‍‌‎‏‏‏‌‍‍لح مقرظة,فلم نجد للأسف.
لهذا ابتعنا لك نصف كيلو زغازيغ.
حينما علمت بصدور كتاب جديد للدكتور أحمد خالد توفيق لم أعلم أننى سأكون سعيدة الحظ و أننى سأحصل عليه بعدها بأيام قلائل. الكتاب عبارة عن مقالات خفيفة الظل كبيرة القيمة كنت قد قرأت القليل منها منذ زمن على الإنترنت.
الكتاب من اصدار دار ليلى كالعادة, و كالعادة فان الغلاف لابد و أن يكون غريبا إن لم يكن مخيفا. أنا أعرف أن هذا الغلاف مرتبط بعنوان الكتاب و أنه يثير (الدغدغة) فعلا لكنه فى رأيى لا يليق بكاتب مثل د.أحمد خالد توفيق .
الكتب 182 صفحة من القطع المتوسط و يحتوى على 29 مقالا متنوعا يغلب عليها طابع السخرية و الفكاهة وفقا لما جاء على الغلاف الخلفى للكتاب . من أحلى تلك المقالات فى نظرى تلك التى تتحدث عن قوانين (مورفى) التى أعشقها (للأسف), و مقالات الآراء العبقرية التى تجعلك تحك فروة رأسك مفكرا فى مدى سلامة الصحة العقلية لمن قالها خاصة و أن من أبطال تلك الآراء رؤساء و قادة سياسيين و ممثلين كبار, و إن كان أفظعهم هو جورج بوش الابن مما يجعلك تحك فروة رأسك مفكرا( برضه): كيف اختاره الأمريكان لفترتين رئاسيتين و هو على ما هو عليه من (الدهولة و الغباوة)؟

و هذه أمثلة لتلك المقولات العبقرية:
- لم يسبق لى أن أجريت جراحة ركبة فى أى مكان آخر فى جسدى.// ونستون بينيت- لاعب كرة سلة
- هذا الوغد المنحط يستحق أن يركله جحش حتى الموت, و أنا الرجل القادر على القيام بهذا العمل.// مرشح انتخابات فى تكساس
- لو لم ننجح فنحن نجازف بالفشل.// بيل كلينتون
- عادة تأتى أغلب واردات أستراليا مما وراء البحار.// كيبل اندبيرى
- إن لدى آرائى الخاصة...آراء قوية...لكنى لا أتفق معها دائما .//جورج بوش الابن
- لولا اختراع الكهرباء لجلسنا نشاهد التليفزيون على ضوء الشموع .//جورج بوش الابن
- الصين بلد كبير يسكنه الكثير من الصينيين .//شارل ديجول
- الحلول ليست هى الاجابات.// رتشارد نيكسون
- أنا لا أعلق على رأى الحكام , و لن أغير هذه العادة من أجل غبى كهذا.// رون أتكنسون-معلق رياضى


كذلك مقال (مشغول) و هو عن تراكم المسؤليات اليومية يوما بعد يوم و أنسب الحلول للانتهاء منها و هو( التنفيض لها).
يحب د. أحمد أن يصف نفسه بأنه ( رجل من الطبقة الوسطى)و فى هذا كتب مقال عن مشكلة أن تكون رجلا وسطيا ينظر له من يسكنون الأحياء العشوائية الفقيرة فى شراسة و شك و كراهية و ينظر له سكان الأحياء الراقية الغنية على أنه رث الثياب مريب و فقير أكثر من الازم.

الترحم على الماضى و جماله و البكاء على الأطلال ليست هواية مقصورة على أجدادنا فحسب, كلنا نبكى على الأطلال لكننا لا ننعم لحظة واحدة بما نعيش فيه من بيوت ,لابد أن تتهدم أولا لندرك كم هى رائعة . هذا ما يراه د. أحمد عن عذوبة الماضى حيث يترحم الناس على ماض كانت فيه الأغانى أجمل و الشاى أروع و الأخلاق أرقى و يتناسون ما كان بذلك الماضى من حروب و طوابير الجمعيات و صعوبة الاتصالات و وجود قناة واحدة أبيض و أسود فى التليفزيون و العمل دون الكمبيوتر.
و يحكى د. أحمد عن اختراعاته العبقرية التى لو كان تم تنفيذها لكانت حياتنا أجمل : الغاء الدبرياج و صندوق التروس من السيارات (و هو ما تحقق بظهور السيارات الأوتوماتيكية), عجلة القيادة فى وسط السيارة و ليست على اليسار لمجال رؤية متزن و واضح, تغيير لوحة السيارة عشوائيا كل خمس دقائق كى لا يظفر بك رجال المرور ( هذا لو كنت تعمل كترانسبورتر).
لمن يحب د.أحمد خالد توفيق أقول له : هذا هو كتابك المفضل بالتأكيد.