الشوارع حواديت
حوداية الحب فيها
و حوداية... عفاريت
إسمعى يا حلوة لما أضحكك
الشارع دة كنا ساكنين فيه زمان
كل يوم يضيق زيادة عما كان
أصبح الآن بعد ما كبرنا عليه
زى بطن الأم مالناش فيه مكان
الشوارع حواديت
حوداية الحب فيها
و حوداية... عفاريت
إسمعى يا حلوة لما أضحكك
الشارع دة رحنا فيه المدرسة
اللى باقى منه باقى
و اللى مش باقى إتنسى
كنسوه الكناسين بالمكنسة
و بدموع لحظة أسى أنا برضه كمان نسيت
الشوارع حواديت
حوداية الحب فيها
و حوداية... عفاريت
إسمعى يا حلوة لما أضحكك
الشارع دة أوله بساتين و آخره حيطة سد
ليا فيه قصة غرام ماحكيتش عنها لأى حد
من طرف واحدو كنت سعيد أوى
بس حراس الشوارع حطوا للحدوتة حد
الشوارع حواديت
حوداية الحب فيها
و حوداية... عفاريت
إسمعى يا حلوة لما أضحكك
و الشارع دة شفتك إنتى ماشية فيه
لابسة جوب و بلوزة وردىو عاملة ديل حصان وجيه
إتجاهك إتجاهى مشينا ليه
و الشارع دة زحام و تيه
بس لازم نستميت
الشوارع حواديت
حوداية الحب فيها
و حوداية... عفاريت
و إضحكى يا حلوة لما أسمعك
و إضحكى يا حلوة لما أسمعك
الشوارع حواديت- فرقة المصريين
أشعار صلاح جاهين
هناك تعليق واحد:
الاغنيه دي انا باحبها جدا
اشكرك انك فكرتيني بيها
لاني بعد ما قريتها عندك روحت سمعتها تاني
الله يرحمك يا عم صلاح
إرسال تعليق